وعن صايم قلبو للرب.. ورحمة الله ما بتنعد
و شهدك غطى على الشهدْ
عزمتو عندي يوم الحدْ!
ما توقعتو..هيك الردْ
ضوّى بغمزة ِ و قال انهدّْ ..
وقت الصومةِ ..تقوى جَدْ
و رحمة الله ..ما بتنعدْ
وقت الصومة..ما في ردْ
لا تغازل.. و لا بدي وردْ
ما تخلي صومك يفسدْ!
اكتبْ عن أحزان الحشدْ
اكتبْ عن ميدان المجدْ
اكتبْ عن خاين مُرتدْ
أكتبْ عن صفقة للوغدْ
أكتبْ عن باسل معتدْ
وعن درب بنبضي انسدْ
و عن فقرا حفظوه للعهدْ
و عن دمعة ما فرحت ْ بعدْ
و عن صايم قلبو للربْ
و مقاوم..بإيدو الغدْ
/
شو خجلني حكي الوردْ
كيف رجعني أهدّي المدْ
كيف خلاني و مثل الفهدْ
بقفز من جوات الوعدْ
وحياتك ..لولا الصومة ِ..
ما بترك..بوسات الخدْ
سليمان نزال
تعليقات
إرسال تعليق