غالى
بقلم ..مرقص اقلاديوس
.......
غالى يا طير الحمام.
طول عمرك ،
طير حب و طير سلام.
يا سلام...
لو البشر يتعلموا منك.
يعيش لأليفه،
و أليفه يعيش ليه.
و حنين أوى
على فرخه الصغير.
ياخد باله منه بعينيه.
و يلقمه الأكل و يدفيه.
يشكر ربنا ...
على شوية أكل لقاهم.
ياكل
و يمكن يووكل أليفه.
و أفراخه
كمان ياكلوا وياهم.
و هوا وظيفته
يلم القش.
و هيا وظيفتها
ترتبه فى العش.
و يدفى هوا الفرخ شوية.
و تدفيه هيا شوية.
عشان من و هوا صغير.
يعلموه الحنية.
و يا سلام
لو حد يقرب من أليفته.
تلاقى أسد بيدافع
لا بيحسب معايير القوة.
و لا تهمه حتى عيشته.
نفسى البشر.
يتعلموا من الحمام.
عشان يتعدل حال كوكبنا.
و يرجعله الحب.
و ترجعله الحنية.
و يرجعله السلام.
ملاح فى بحور الحكمة
مرقص اقلاديوس
تعليقات
إرسال تعليق