بتضحك بجراحك صُوَر
بتضحكْ بجرحَكْ صُورْ
بهرب ْ من قلبكْ قمرْ
بيقطعْ من عمرَكْ وترْ
بيعزفْ ع نزفكْ قَدرْ
بينزلْ من دمكْ مطرْ
بروي بأرضكْ شجرْ
بيطلعْ من كفكْ ثمرْ
بيحزن بضلوعكْ نهرْ
بترسم كلماتكْ جمرْ
بيهجر أشواقكْ هجرْ
بتعشق مرة بالعمرْ
و العشق قلبو من صخرْ
بتغضب بطير النسرْ
جناحو بحرفك عبَرْ
بتبحث جوات الصدرْ
عن مهرة متل البدرْ
بتنسى و بتعطي أمرْ
لقلبك يختار السفرْ
بتسافر مجبور وجبرْ
بتلاقي حبك بنتظرْ
كلمة و بطعم الزهر
لكنك ما بتعتذر
بيضحك بحرحك أسى
لكنك رح تنتصرْ
سليمان نزال
تعليقات
إرسال تعليق