بقلم الشاعرة/زهراء الحلبوني/////

لحظات مسروقة ..

 من عمر مراهقة مشاغبة .. 

 💓موعد شقي💓

  حَـيّد عَليها بِالمَسا

  والعَـتم مَـلّا الكَونْ

  وخَـيّا مع رفاقو طلِعْ

  قـلّنْ مو جايي اليَومْ

  وبيَّا عِند جارو مَـرقْ

  وإمـّا سَرَقْها الـنّومْ

      *  *  *

  والوِلفْ دَقْـدَقْ عَالهَدا

  وقلبا يردّْ  على الصّدى

  قومي افتَحي لا تِستِحي

  لحظِة حَنان وعاطِفة

  بتنسِي الـدِّني والطّايفة

  كلّ العُمر مَالو ثـَمَنْ

  كلّ العُمر لحظِة زَمـنْ 

  نظرة بعيونو الصّافية 

  بلمسة حَنونة ودافية 

  بضـمّـة عِشـقْ

  تِحـرُق حَـرِقْ

  ضمّة تنسّيكي الِـدّني

  وبَعدا العُـمر حلو وهَني

  يالله اسرِقيها استعجِلي

  لا تِسْـتحِي ولا تِخْجَلي

  كِلّ العُـمر بَـعدا عدَمْ 

  رح تِشتكي حَسْرة ونَدَمْ 

        *  *  *

  ركضِتْ على الباب بشغَفْ

  وأعصابها تِلْفـتْ تلَـفْ 

  فتحتلوا قـَلبا للـولِف

  والدّمع كارِج مانِشفْ

  بِخدود حَـمرة موَّردِة

  وجفون خَجلى مهدهدِة 

  وحَضْنِتْها عَينيهْ بدَفا

  راد الوِلف لحظة صَفا

  حتى فؤادو يِنشفَى

  وإيديهنْ بتحكِي قِصَصْ

  والقلب عَمْ يرقصْ رقِصْ

        *  *  *

  وفجأة إمّا تنَحْنَحِتْ

  والله يا بنتي ما ارتِحتْ

  جيبيلي كاسة مَي

  لبلّ ريقي شوي  

                     🥺🥺🥺  

  وهرَبْ الولِف ياخطَي

  رِجعت لإما وهَايمة 

  بنظراتها هالحَالِمة

  وجافى عيونا لِلغَفى

  ومِتْلا النّوم رِمْشو جَفَى 

        *  *  *

  وبقيوا بينتظروا الوعد

  بلحظة دفا تمحِي البرِد

  وترِدّ إلهُم روحْ 

  وكلما مرق فجأة وسرقْ

  نظرة من عيونا الزرقْ 

  بتقِلّـوا .. دخـلَك روح . 

   💓💓💓💓

  بقلمي :

  زهـراء الحلبوني .