قلبي معك ..يا شهد يا قرنفل
قلبي معك يا شهد يا قرنفلْ
إنتي الأصلْ ..يا عشق يا مدللْ
حبي إلك.. و بتعرف من أولْ
جسر الوفا.. من ضلعي تشكّلْ
ورد القبلْ ع خدِك بيوصلْ
عطرو أملْ.. و رغم السفرجلْ
/
قلبي معك يا لوز..يا أخضرْ
قلبي معك من الشط للجدولْ
حزنك قدرْ..و الحزن مقدّرْ
جنب الدمع.. في قمح و زعترْ
جنب الحلم..في لحن و بيدرْ
جنب الفخر يا دمشق و الكرملْ
و مع المجد حبِك عم يكبرْ
بقلب الجواب.. نبضي عم يسألْ
لا تخفي عن دمي المستقبلْ
قلبي معك يا عشق..يا قرنفلْ
بفضا سحرك.. طالع يتجولْ
سليمان نزال
تعليقات
إرسال تعليق