هي البنوته و الحدوتة
والكتكوته ام فيونكات
هي شقيه وعصبيه
ومزاجها بيقلب اوقات
هي جمالها مالوش مثيل
وعيونها بتقول حكايات
هي كريمه زي النيل
لما تحب بتعطي كتير
وبتعطي من غير طلبات
زي الشطه لما تغير
بتلاقي عواصف شتويه
وبتقلب زي النوات
وبتعرف من نظره عين
وبتفهم كل الحركات
يعني ماهما تخبي هتعرف
فبلاش ياجميل الحوارت
هي قطقوطه وبسكوتة
واشعاري وحروف النوته
وهي اجمل اغنيات
هي الورد البلدي ساعات
وهي الفله والياسمينه
واحلامي والامنيات
لو تزعل الدنيا بتزعل
ولو تفرح بتوزع علينا بسمات
هي كوكتيل من الخفه
وجميله في كل الحالات
❤️❤️❤️❤️❤️
بقلمي ياسر أحمد
تعليقات
إرسال تعليق