بقلم الشاعر/جمال خضور///\

قطفةشعر.. من(زو ق الليل)

لاتبقىٰ العمرمهموم..

لو شي مِنَّكْ.. راحْ..

العمرْ دولاب..

وعمْ يكرجْ..

وتدبلْ..

خدود هالتفاحْ..

خليك متل الجرس..

بكنيسة..

يكبر بالعمر..

وصوت الجرس..

يحلا..

متل مادنة..

عاركها الدهر..

وبعدو الأدان أجمل..

وأحلىٰ..

قلبكْ كَمْ إلو دقّة..

ومنْ هالدَّقات..

شو اللي سَكَّرو..

وشو اللي ياحلو...

نٌقّىٰ..

رجاعْ لَهاكْ الحضن..

يمْكِنْ..

تلاقي الدَّفا..

والرِّقة..

بهاكْ البحر..

قلبي أنا رميتو..

لو بعدَكْ بهالعشق..

بتغوصْ..

يمكنْ إلّا ولقيتو..

صار العشق ختيار..

وبإيدو عكّازة..

وعَمْ تهرَبْ الأيام..

وعَ وجها مانلاقي..

غمّازة..

قلّي شو هَمْ..

لو نحناياحلو..

كبرنا..

زيتونةعمرها مِيّات..

بتجيب الزهر..

وبعدا بتنطرنا...

سكرانة بهواكْ..

وصرلي بهالحالة..

دَهرْ..

شو اللي عندك..

بينَقٍّطْ عَ قلبي..

غير الأسىٰ..

والقهرْ..

آخرْ كلامي..

ياللي رَحْ قولو..

بدنان هاكْ العنبْ..

محبوسة..

تلاقيني لوكان..

بهالعشق بعدكْ..

تشربْ ياحلو..

من شَهْدي أنا..

وتسْكٌرْ.. 

            جمال خضور