بقلم الرائع أ/جمعة الجر/////

..اعتذار..

ياأبو قلب اطيب م الطيابه..

وابتسامه اصفى من نور النهار...

ياللى خليت الحجر ينبض مشاعر..

ويبكى لويسمع حد استجار...

مين اللى قال إنك زليل..

عايش مابينا كمالة عدد وأنك عويل..

طب داانت احسن مننا وأفضل كتير..

داكفابه إحساسك بالرضا وعندك ضمير..

اللى يرحم حيوان ضعيف أكيد ملاك مش بشر قلبك كبير..

النهارده وع الملأ..

جاين نقدم اعتذار..

عن المهانه والسفاله..

وعن أفعالنا اللى عدت افعال الصغار...

جاين نقول لحضرتك..

علمنا إحساسك بغيرك..

نصبح كبار...

علمنا نحول خراب القلب..

لجنه وعمار...

علمنا ننكر ذاتنا..

لجل ما نبدل لون الصفار...

ويصبح سواد القلوب..

غيطان محبه وجناين كلها حب وخضار..

جمعه الجر