السقا مات
كله بالنسبةلى مات
كله أصبح ذكريات
قلبى مات...
صاحبى مات...
كله مات.بس لسة
فى حاجات
اوعوا تفتكرونى هارجع
أو ف مرة ليكوا ها سمع
د اللى كان جميل بيلمع
جه عليه الصدأ مات
ابعدوا عنى وسيبونى
شوفوا غيرى وارحمونى
دوروا على قلب أخضر
لساه بيبنى ذكريات
كل حروف الأبجدية
بتنادينى تقولى عود
من غير وعود
إلا حروف تلاتة منها
عنوان جحود
هى حروف الكلمة
م...ا...ت
لو ف يوم عطشان نادانى
جه وقالى بق مية
مش ها قوله المية خلصت
ولا غليت ولا رخصت
راح أقوله السقا مات
بقلمى
سعيد مراد
تعليقات
إرسال تعليق