بقلم الرائعة د/عبير الصلاحي/////

أنا شط العبير...

ونرجع للجميل تاني

..طباعه يا ناس محصراني

...خجل وكسوف

وقلب عطوف

كمان السحر رباني

ادب وعفاف

ما فيهش خلاف

بانه تبر اصلاني..

طب اعمل ايه

.. وانا دايب في سحر عينيه

..وكل ما يضحك الضحكه

يهز كياني ابن الايه.

قولوا له يخف في دلاله

كفاية لاموني عزاله

ومهما يقولوا ويعيدوا

بادوب انا فيه

وحالف والله بالختمه

ما افرط فيه .هواه نعمه

.وقربه حياة بتهنى لى

وتحي روحي وكياني...

عشان خاطر جمال حسنه

.هاهاوده خلاص واكون غصنه

.يفتح فوق رموش قلبي

ويزهر عمره من تاني..

دانا شط العبير ودواه

.وبر امان بيتمناه

.ومهما يكون

.لا ابيع ولا اخون.

وحالف لانتهي وياه

.واختم قصتي بهواه

وارسي يا ناس على بره

ويصبح قلبه عنواني...

بقلمي عبيرالصلاحي

من ديواني تعالى اما اقولك