معقولة؟!!!
ونده لي الفرح
بعلو الصوت
فتح لي بيبان
وبنى لي بيوت
وملا لي زكايب أحلامي
مرجان وياقوت
وهمس لي في ودني بكام فرحة
خلتني في عز الخنقة أفوت
وأخدني وراه لغيطان السعد
سنابل طارحة أمان مفروط
وسكب لي من الضحكه في عمري
وحسب أمري ظبط لي المود
معقولة يا جنة أحلامي
تتفتح الأبواب قدامي؟!!
وأتنطط فوق شجرك مرة
وأعيش مبسوط؟!
والنبي لو حلم بلاش أصحى
وسيبوني أتهنى
ولو مرة بحلاوة التوت
دانا من يومي..
مصاحبني الهم مكان ما بأروح
مفروضة الدمعه بأمر العلم .
فرضيت بالحلم
وقضيتها مطبات عالماشي
وأهه كله بيفوت
ماأنا أصلي برده
ما صدقتش
..معقولةبجد يكون جاني
السعد..ووقف علشاني ؟!!
وهأدوق الفرح معاه مرة
كده قبل ما أموت؟
معقولة؟!!!
عبيرالصلاحي
من ديواني( تعالى أما أقولك)
تعليقات
إرسال تعليق