أنت عمري*** بقلم السيدابوطاحون
*********
*أنت عمري.ّ
وعمري انت
أنت فاكره
ولا ناسيه
ولا بتحاولي
تكونى يا روحي
قاسيه
برضه تكشيرتك جميله
وكل حاجه فيكي
احلى م الخيال
والجمال لما قال
والكمال والدلال
********
*انت فاكره
لما عيني
جت في عينك
من يوميها
وأنت مالكه
قلب قلبي
وكل حته
وأنت ماشيه
وأنت قاعده
خطوه خطوه
ف كل سكه
لو موافقه
لو مخاصمه
هزي راسك
هزه واحده
واسمحيلى احكي
للناس الحكايه
يا حبيبتي
*انت فاكره
ولا ناسيه
وأنت داخله
من باب الجنينه
والعيون
وهجوم سريع
و السكون
هز المدينه
قلت أبص
ياه عليكي
ياه عنيكي
وأنت واقفه
وهيه ماشيه ع الجميع
وف هدوء وبصوت وديع
جيتي جنبي ك الرييع
-خدني جنبك
*أنا ؟!
-اه
*كانت القافيه بتحكم
اه وليه ؟،
من ساعتها
لزقتي فيه 100%
كنت عايز اقول
عنك شويه
سحر سحرك
والجمال
ولا عطرك
اللي فاق طعم الخيال
وأنت ساكته
ياما قال
-كنت عارفه
اني راح اقابلك هنا؟!
*يادي الهنا..
بس دي اول مره اتملى بنورك
-بس انا يا حبيبي شفتك ..
واتواعدنا
واتقابلنا
واتعاهدنا
*فين وامتى؟
-جوه بيتك
جوه بيتنا
في الشوارع
في المقاهي
والفنادق
والحدايق
والمزارع
كنت غايب عني فين
من سنين
وأنا دايبه في الحنين
*بت هو انت عبيطه ؟!
وبابتسامه
أحلى من عسل المكلا
خدتي ايدي
-بينا قوم
أنا قابلتك
يا روحي ف المنام
أنت عمري
*********
#أنت_عمري
#الاخنوم
#السيد أبوطاحون
تعليقات
إرسال تعليق