الكلمه الحلوه بتفتح باب
والكلمه الوحشه تهد بيوت
الكلمه الحلوه دعاها مجاب
وبتحيي قلوب من عز الموت
بترد مسافر بعد ما غاب
وتخلي الفرح ف روحنا يفوت
الكلمه الحلوه لو همس هنسمعها
وكمان الاحلي بعلو الصوت
الكلمه الحلوه بترفع ناس
وتعلي مقامهم مش جبروت
الكلمه الحلوه تخلي صاحبها يبقي امير
والكلمه الوحشه تجيبك أرض
وتلاقي الناس بتقول هلفوت
الكلمه الحلوه حروفها شباب
والكلمه الوحشه تخلي القلب يبقي عجوز
وتخلي المود مش مظبوط
الكلمه الحلوه لو اتقالت
هتخلي الدنيا تبقي ربيع
والرزق يزيد وهيحلي القوت
الكلمه الحلوه دي كنز كبير
افضل من مال ودهب وياقوت
الكلمه الحلوه هترقص روحك من الفرحه
والقلب يغني ويكون مبسوط
الكلمه الحلوه لو تقدر قولها
ولو مش قادر امسك نفسك
احسن مانقولك هس سكوت
☘️☘️☘️☘️☘️☘️☘️
بقلمي ياسر أحمد
تعليقات
إرسال تعليق