(((( رقم. رقم. رقم ))))
يا موهومة وواخدة في نفسك قلم
إن أنت الحياة وأنت مجرد رقم
في دفتر النسيان غلطة في حلم
تقولي نعجة وسط قطيع غنم
واحدة بجسم آه والقلب صنم
لكن افهمي أنت في الأول والأخر
مجرد. رقم رقم رقم
أوعي تنسي نفسك في يوم
أياك ياخدك دماغك للعشم
إنك الآمر الناهي و الحكم
شوفي يا حلوة حكاوي اللي قبلك
شوفي مين نجى ومين اتصدم
أنا الراعي وصاحب الكلم
لا الغيرة تحنن قلوب
ولا القسوة تمحي الألم
الواحد معاك ياما اتظلم
قصتنا بداية فرح ونهاية ندم
رغم حبي اللي حلمت بيه
معاكي ملقتوش وكان عدم
نهاية المعادلة أنت في حياتي
زيك زي أي زرع والحصاد لغم
لو غبت أو حضرت زي بعض
مات الإحساس مات النغم
لو راحت نعجة موجود لسه
كتير غيرها من الغنم
بقلم الضاحك الباكي بلال هشهش. بيلا. مصر
٢٠/٥/٢٠٢٢
تعليقات
إرسال تعليق