بدأتِ الغرام
**********
فى وجودك شئ غريب
شئ ولا يخطر ببال
الأماني والأغاني
رعشة فى القلب بجمال
فى حياتى صرتِ عيد
كنتِ فى الأحلام محال
فى غيابك أنتِ باقية
عمري ما بنسى الآمال
أنتِ كنت كل حاجة
أنتِ صرتِ أحلى حاجة
أنتِ فى السكر زيادة
ليه بتنسي كل حاجة
حلوة كانت فى الحياة
كنتِ زهرة فى الجناين
كنتِ وردة فى الخمايل
كنتِ أملي فى الحياة
كنت أكتب فيك شعري
والقصايد والتمايم
كنتِ أنت لي الحياة
أيوه كنتِ كل عمري
والهوى ما كان بأمري
والقلوب تعشق ما ندري
كنتِ حلمي فى الحياة
أنتِ فاكرة إني ناسي
كيف وأمتى دخلتِ قلبي
كيف بحبي شغلتِ فكري
من صداقة ومن زمالة
صرتِ ساكنة جو قلبي
قلتِ إني كتبت شعري
فى عيونك وفى جمالك
قلتِ إني شغلت بالك
بالقصايد والأغاني
قلتِ إن ديك البراري
كان فصيح
كان بيكتب كان بيعشق
كان فى الآخر مريح
عشنا فترة أحلى فترة
تصحى وتنامي فى خيال
كل يوم
شعرك جميل غزلك جميل
كنتِ أنت عاشقة لي
وكنتِ بتخبي الغرام
كنت عارف إن حبك
إن عشقك من زمان
لكن المانع عبيط
أنتِ خايفة يقولوا حبت
بعد ما كانت مدام
هو يعني عشان كبرتِ
لكن أنا شايفك صبية
فى هواك القلب مال
أنتِ مالك باللي يقول
ناس ما يعجبها العجب
سيبي قلبك للحياة
عوديه يعشق هواه
علميه إن السعادة
نعمة من عند الإله
علميه إن اللي يحبك
صعب ينساك لمداه
عارفة أنت صعب ليه
حبي ليك صار حياه
قلبي عشقك حتى تاه
متقوليش نزوة وراحت
أو عشنا فى الحب يومين
لا، هواكِ كان حقيقي
والنظرة من عينك غرام
والضحكة كانت طالعة صافية
والفكر كان سارح خياله
ليه أنتِ بتخبي الغرام
ليه أنتِ بتعاندي الهوى
عارفة لما بعدت عني
وكنتِ أنت هاربة مني
قلبي ما همه الفراق
ولا إنك يوم هجرت
ولا رحتي ولا جيتي
لكن الحزن الحقيقي
إنك أنت خنتي حبي
وأنت اللي بدأت الغرام
*******************
بقلمي/ حمدى عصام
٢٤/٦/2020
تعليقات
إرسال تعليق