على دلعونا و حبيبي صايم..و بيوم الجمعة دمو بقاوم
على دلعونا.."مد يد العون" و لها أكثر من تفسير
ياللي مآخذني بقلبك رهينةْ
شوف الشوارع عنا حزينةْ
بدي الحرية..بدي تعطيني
بارودة متلك..تطرد صهيونا
/
على دلعونا خذني قدامكْ..
عبي الرصاص.. بجرح أيامكْ
بعشق أرضك..علّق وسامكْ
العزيمة عندك..بزندك مسكونا..
/
على دلعونا..حبيبي صايمْ
وبيوم الجمعة..دمو بقاومْ
طالع من غزة..طالع يهاجمْ
كل الشراذم..ياللي احتلونا
/
على دلعونا..أحلى الليالي..
منسهرها سوا "بقاسيون" العالي
برمضان الجلسة بتحلى يا غالي
تحت العريشة..وظل الياسمينا..
/
على دلعونا بدنا نتسحرْ
شوية لبنة ..و شوية زعترْ
صعبة هالحالة..و لكن منفخرْ
بزنود العزة...و قدس الكينونا..
/
على دلعونا ..و حياتك راجعْ
و درب الحرية..معبّد مواجعْ
ضلعي للسما...واصل و ساطعْ
وأنا لربي ومن قلبي خاشع
و لكن ما بركع...للشردونا..
/
على دلعونا..ليش اخترتيني
وانتي عرفانه ِ إني فلسطيني
راسم طريقي على جبيني
وعيون بلادي أحلى العيونا
سليمان نزال
تعليقات
إرسال تعليق