كتب الأستاذ الشاعر/سليمان نزال///

ضرب   المدفع   ..محي  الدين..

في  تلك  الأيام  الرمضانية   المباركة.. كان  صوت المدفع   يؤذن   بنهاية  ساعات  الصوم  و الشروع  في  الإفطار..

ضَرب   المدفع..  "محي  الدين"

جَهّز   "العجوة   "  و التينْ

أول  شي  ..شربة  المي

و إحنا   بالله..نستعينْ

/

و طعمينا  من رزق  الله.

و بعد  الأكلة   ما  تنساه

صحن  الكنافة ..ما  أشهاه..

من الإيدين   الحلوين..

/

ضرب  المدفع  تع   سَمّي

يا ابن  أبوي  وأمي

لنتهنى   بهللقمة ِ.

و نشكر  الله  ع  النعمة..

مع إنو  احنا  كادحينْ

 وجابين  الأكل  بالدينْ...

/

بعد ما  راحت  البلادْ..

ضاقت  علينا  الأحوالْ

الدمعة  ملح  الزوادْ..

الله  يعين  يا  جبارينْ

/

ضرب   المدفع   بكرا  نعودْ

لحيفا  و يافا   و  أشدودْ

 و بتنورْ   ورد  العهودْ

في  كل  بيت ..بفلسطين

/

ضرب  المدفع , محي  الدين

و احنا  ع  البلد  راجعينْ

من  نابلس  ..و  لحتى  جنينْ..

و من  "صفورية".. لسخنينْ

زيتونة   جنب  الزيتونْ..

يا  شجر  "لوبية"  الحزينْ

 نور  الرجعة ..ع  الجبينْ

قرية  قرية  ..مش  ناسيينْ

و في  زنود  تحمل  عناوينْ

و في  حشود  بقلب  الميادينْ...

و في  عهود   بتسقي  بساتينْ

بغزتنا ..يا  صلاح  الدينْ

سليمان نزال   

.