أمنيات رمضانية
♡♡♡♡♡
نفسي أنا يا أمي
هاجر عا بلد ما فيه قهر ودموع
عا بلد مافيه حرب تشرد الولد من الجوع
عا بلد فيه المحبة صوتها مسموع
عا بلد يسلم فيها محمد على يسوع
عا القدس يلي شتاها دموع
بالقدس يما ...
ماحدا عن دينك بيسأل
ولا عن الأصل والفروع
القدس تصرخ وينكم ياولادي
صوتها بصالونا مسموع
أشبال .. شبان مثل الورد عم تذبل
والقتل عاالمذاهب مشروع
أيام بالقدس عم تصعب
وكبر الظلم وصار بدروبنا مزروع
وين العرب ياناس
مسرى محمد موجوع
وراية المسيح للسلام
عم تذرف الدم دموع
ياوصايا هالزمن عيشنا تبهدل
وجامعة عربية نايمة
حتى الشهامة فيها راسها مقطوع
حقي أنا إرجع على القدس
وكمل حياتي بأرض أجدادي
وعيش بكرامة
وراسي يبقى مرفوع
وصلي للسلام في الأقصى
وضوي شمعة لروحك يايسوع
ابنة صالون جوني
لارا الغامدي
تعليقات
إرسال تعليق