أنا راحل
*****************
حبيب القلب
أنا حيران
ومتألم
و بي فى الحشا
أشجان
ودمعة عين
أهي نازلة
ومعظم الخواطر
بقت سارحة
ولكن أنا فى حبك
قتيل الحب يا ليلى
ولي فى الهوى أشجان
وأنت فى حبي ما بترحم
وتوعد حتى ما توفي
كثير الغدر يا حبي
وملكش أمان
أنا محتار
أوفي لك وأصون ودك
ألاقي هواك
بيخدعني وتهجرني
وترجع لي تأمرني
تقول غضبان
وأحلف يوم
ما هرجع لك
ولا أشوفك
ولا أحكي لك
ولا أيدي تجي ف ايدك
ولا قلبي يضم هواك
ولا عيني تبات باكية
ولا فكري يكون سارح
يفكر فيك يا قلبي
يعد الفعل والكلمات
وبسأل روحي
أنا غلطان؟!
أنا اللي كنت بزرع لك
فى قلبي هواك بالفدان
أنا اللي وفيت وما أتهنيت
أنا اللي قلت معذورة
وجمعت لك ألف عذر زمان
وتهجرني وأقول يمكن
بتدلع وتتقل يوم
وبكرة تعود وتهواني
وأصبر نفسي أنا بنفسي
وأكتم فى الحشا أشواق
وأنت هواك يجرحني ويألمني
ولا يهمك ولا تحسي
لغاية أمتى يا ليلى
هواك عذاب
لغاية أمتى يا ليلى
أعيش فى سراب
لغاية أمتى تأمرني
وأقول حاضر
أنا خلاص تعبت يا ليلى
من الأوهام ومن غدرك
ومش هسأل على الإخلاص
ومش هندم على فراقك
وهقلع قلبي من صدري
وأقول راحت زي ما الوفا
راح والحب والإخلاص
وهنساك وأعيش وخلاص
خدي معاك قصائد
حبي دي ليك
وأشعاري دي فى عنيك
وخلي لي الحزن والأشواق
وخلي لي الحزن والأشواق
****************
شعر /حمدى عصام
تعليقات
إرسال تعليق