إرجع ... إبعد ...
خلّي خرابك جوّا المعبد
خد شياطينك عّنا بعيد
كفايا خرابك عنك يرشد
وإن م رحمتش اهلي وناسي
تبقى ظنوني إنك ناسي
فأنا المصري ورافع راسي
صبري عليك غير أنفاسي
إبعد عن أهلي يالله وإلا ...
لا افضل ليك في حياتك علة
غيرت الدنيا بوجودك يالا
فارق أرضي يا عديم الملة
لو عندك إحساس مرة بقى إفهم
... إن وجودك مش مرغوب
غازي ونازي وكمان أبكم
دايماً سُمّك ما هوش مطلوب
حاول تفهم إنك عالة
على كل المخاليق في الكون
مش بدراعك بأني حضارة
ولا عندك حتى تراث مضمون
شوف لك سكة بعيد عنينا
ويوم م تقرب تاني نواحينا
إعرف إنك حمل تقيل وعلينا
فبلاش تيجي ناحية اراضينا
منك من غيرك ح نحررها
وح يبقى الأقصي هوَّ منارها
ويعيش فيها إبن بلادي
سيب أراضينا غور طهّرها
مش رح أسيبك بيها تتهنى
دي هيَّ مسرى رسول الله
شوف لك كلب من أشباهك
شوف لك لعبة إجري معاه
خليك واعي م تبقش قلة
يكفيك سخط الدنيا عليك
لو حابينك وكمان ليك ذِلة
غور ريحنا ربنا يراعيك
<>_<>_<>_<>_<>_<>_<>
الهرم في ١٥ / ١٠ / ٢٠٢٣م
حاول تفهم
زجل من تأليفي
هشام علي
<>_<>_<>_<>_<>_<>_<>
تعليقات
إرسال تعليق