نسيان
-------
جرب تنسى كل شيء حتى اسمك وصوتك
تعيش من غير وصف يحدد أنت مين
تحلم زي طير يرفرف بجناحاته يروح
كل مكان يحبه من غير قيود تحكمه
ولا حدود تمنعه ووقتها بس لازم تعرف
انك تستحق تكون سعيد من غير سؤال
ولا جواب من حد ودايما دور على اللي
يحسسك بأنك عايش وروحله بسرعه
متضيعش وقت وخليك فاكر العمر لحظه
بتيجي وتروح ولما تجيلك لحظة الفرح
احضنها بين دراعتك متسبهاش أبدا
هي جيالك انت عرفت مكانك وعنوانك
سألت عليك ونادت اسمك وحاربت
عشان تكون معاك عشان وقتها تتنفس
وكلك سعاده زي طفل بيجري بكل قوته
لحضن أمه وهو واثق إنها أبدا مش هتسيبه
هتفضل معاه تقويه تبصله بنظره تطمن قلبه
وافتكر دايما إنك تستحق تكون زي الطفل ده
رايح لمكان تحبه ويحبك تكون فيه زي الفراشه
تتلون بألوان تحسها بتكلم نفسها بلغة الجمال
حتى من غير كلام.
خالد نادى
تعليقات
إرسال تعليق