#الحب_بين_الألم_والأمل
طرقت باب داركم طلت عليا زينة السلطان
شافت فيا براو جروحي واحزاني
قلت لها نبغيك انت عندي اعز انسان
حبيتك وبلا حبك انا عايش وحداني
هاديك الي بيني وبينها مايدخل شيطان
الحب الي جمعنا مكتوب عند ربي الفوقاني
خيالك رافقني في جميع البلدان
قال لي بلغ السلام لجميع جيراني
حبي اعطيت لك وردة من الريحان
انت قلبي وروحي ونور عياني
بلا بيك انا عايش مهموم وحيران
ساهر طول الليل ماتغمضو اجفاني
ضاق عليا الحال وعلى صدرك القيت الحنان
او حبك سلاحي نحارب به جميع عدياني
عطاك ربي حسن النية وحلاوة اللسان
او نحمد ربي على هذه النعمة الي اعطاني
نحبك وحبي قدرو ليك رب الرحمان
انديرو اسرة ونلبي ليك جميع الاماني
ناوي لحلال الي وصى به النبي وربي في القرآن
اتكوني حياتي ونعيش معاك ديما هاني
#كلمات أمير الريشة محمد عوماري
تعليقات
إرسال تعليق