" كنت الجاااني "
بقلم / عماااد الأبنودي
•••••••••••••••••
مشروع غرام أنا بالنسبالك
و زيك كدا زي غيرك
قطعت الوعد ليا بكلامك
و فارقتني ف لحظة طيشك
لمجرد ... إنك محبتش
بعت بسهولة إحساس هوانا
و كأنك حد عادي ما شافش
ولا داب إحساسه ويانا
عيش حياتك يلا بكيفك
و دور ع ناس تشبهلك
شبعت خداع من زيفك
و مابقتش روحي تشتاقلك
حكمي خلاص وجب النفاذ
وقلبي زهق و قال كلمته
كنت ف خانة نااس عزاز
دلوقتي مطرود من جنته
مهما تعمل فيها مظلوم
كل حيلك بقت خايبه
كدبك عداب مش مهضوم
مش جايب معايا فايده
حكايتنا عاديه و متكرره
حيرة و شوق و دموع
و العبرة من دي المسأله
إن الخيانة مافهاش رجوع
اللي اتدمر فينا مكسور
لمشاعر قبل أوانها تموت
كان حلمها تشوف النور
يخسارة مات نبضها فسكوت
لكن الصعب لابد يهون
و أي جراح مش بتطول
ازاي تخلص لواحد بيخون
معرفش معني الحب م الأول
ختم مغااااادرة طبعاً فوري
ومفيش محاولة ليك تااااني
واجه بنفسك فالهوي قدرك
و وداعا يللي كنت الجاااااني
بقلم
عماااد الأبنودي
12 . 4 . 2022
تعليقات
إرسال تعليق