فرق كبير بين انك عاشق
او معشوق
صعب تحس رغم براءتك.
شايل ذنب معملتوش
ساعتها والله مش راح تفهم
مين اللشانق..مين مشنوق
اصعب حاجه تعدي عليك
لما تمد ايدك للخاين
وهو يخون
لما تحلم بان الدنيا
حلم صغنون
والا تقابل النص التاني
وتقول مضمون
غلطان ..شاعر مجنون
لما تكون عايش ايامك
نظرة حزينه
ماتت كام مرة
لما تسافر جوا عيون
لازم تعرف كل ماتعشق
في الاخر تطلع ياعبيط
او تطلع شيءمش مضمون
كل ماتكتر فينا البقعة
عمرها ماهتطلع بصابون
وعمر النظرة ماكانت صافيه
طول ما جوانا ظنون
اسمع ياابني نصيحه اخيرة
اوعي تسلم مفتاح قلبك
مهما بتفهم مسيرك تغلط
اوعي تتعلق بعيون
نظرة بنظرة
حرف بيكبرفي بطن الكلمة
كلمة توديك وتجيبك
كشف حساب كله بيتجمع
تطلع في الاخر مديون
فرق كبير لما بنشتاق
نداري الشوق
لمانحن لبعض دقيقه
قوام بنفوق
ولما تيجي الفرحة تزورنا
تنزل دمعة
اصل الدمع ده شيء متقدر
كل دقيقه الحال يتغير
حتي الاحساس بيحير
مرة تحس بشعرك شايب
ومرة صغير
دلوقتي هما اللي خونك
بكرة تخون
بس امانة عليك لو تقدر
اوعي تصدق
اوعاك تعشق
مجرد انثي بعيون
احمد عبدالحق
تعليقات
إرسال تعليق