مع اني واخد علي الوجع
وجعي المرة دي اختلف
وعشان تسد دين قديم
كله في الاخر انين
مكتوبلك تبقي حزين
ولازم من الدنيا تستلف
---------------------------
كله في الاخر وجع
وجع جي من الفراق
ووجع حنين باشتياق
والله ماتفرق
حضورك او غيابك
ماهو ياما في الوجع
الحزن يدق بابك
ولما الدمع ينزل
ترسم حرفك كلام
تكتب حس بهيام
اوعاك تسأل يافالح
سعر الوجع بكام
اوعاك تبين نصاحه
تبقي منك وقاحه
رواية لابد تكمل
مبقاش فيها استراحه
حاسك بتقولي حاجه
شايفك حابسه نفسك
يادوب جوا الزجاجه
عارفك ديما عنيده
وساعات علي طول شريده
بتخبي ليه شعورك
عامله نفسك ضحية
عامله نفسك بليده
بتلفي ديما في دايره
هو انت واحدة بايرة
تشهد نظرة عيونك
انك مخلوقه ليا
ورده نايمه في ظرف
عاشقه اوقات جنونك
يااحلي حته فيا
واطهر مافي حروفي
بحبك غصب عني
لولا احساسي بيك
الف مرة عاوز اقولك
يمنعني فجأءة خوفي
ياسلام لو تقوليها انت
جربي مرة تقوليها
طلعيني من كسوفي
احمد عبدالحق
تعليقات
إرسال تعليق