قبل وبعد الجواز
قبل الجواز
قبل الجواز تلقى البنات متسبسبه
ومتذوقه واخر حلاوه
عايقه وبصه لنفسها ولوزنها مدندشه
ومورده واخر نضاره
وده كريم شعر وده وش وده شامبو
ولسيون لزوم النظافه
مهتمه بالتفاصيل مش سايب حاجه
للظروف قمه فى العياقه
وفى لبسها رقه وذوق مانيكان متألقه
ومنوره واخر شياكه
والضحكه تطلع عاليه حلوه ملعلعه من
الانبساط والسعاده
غزاله فى خطوتها فى قمه نشاطها
حيويه وخفه ورشاقه
بعد الجواز
بعد الجواز تلقى البنات منعكشه
ومدهوله واخر وحاشه
سابت العياقه وفشكلت وزاد وزنها جدا
واخده فى الزياده
والشعر بعد مكان مسبسب بقي ملبك
لا اهتمام ولا عنايه
وفى لبسها أصبحت منعكشه ومهمله
وبقىت الهرجل عاده
والضحكه بقت خافته وأصبحت مهمومه
على الطول وزعلانه
تلاقيها ماشيه مكحكحه شمعه انطفى
نورها وراحت النضاره
بنتى العزيزه
بنتى العزيزه ليه كده حبى نفسك بجد
واسعديها بالعنايه
واهتمى بمظهرك ومنظرك ومخبرك اتولى
نفسك بالرعايه
كونى جميله فى عينك قبل عين غيرك
كونى ايه فى الاناقه
لان الجمال والدلال والرقه و الدلع انثى
خليكى للجمال ايه.
الشاعر/ عبد المنعم حمدى رضوان
تعليقات
إرسال تعليق