بقلم المبدع/سليمان نزال/////\

طل العطر من اسمك

طل العطر من اسمك

برشّة صحاني..

رحت شفت من همسك

رحلة الأماني..

/

ضحكات الاسم حريرْ

أحمر أرجواني

أنا معك مهما يصير

قمري الكنعانيْ

/

طلات العشق بكيرْ

أخضرو ناداني

و نهر المحبة غزيرْ

مهما أنا أعاني

/

ع الحلم أنا ناطورْ

بحرس أوطاني..

وحبك ساحر مسحورْ

ع شطو رماني!

/

و اشتقنا يا قرنفل..

يا زهر الرماني

وهالإسم بيتنقل

منها لوجداني..

في بوسة بتتأمل

بحسنك الرباني

عنك مرات بتسأل

مرة عن أحزاني

/

طل العطر من اسمك

بنظرة صحاني..

لقيت حالي كأني

بعانق بلداني..

و ضلوعي بالرافدين

و قلبي لبناني..

/

طلع الونس من اسمك

يا بحر اسكندراني

فلسطينية بمجدك

جزائري..عماني

أنا شفت الشام بعزك

و بالمغرب غزلاني

طلع الفرح من موجك

و ع تونس وداني

طلع الفخر من ليبيا

بهيبة الفرساني

سافرت أنا بطيفك

لحدود السوداني...

أنت باليمن حرة

و حبك في شرياني

طل النصر من دمك..

يا فرحة عنواني..

سليمان نزال