وقت الحساب
.......................
قلبي خلاص ...
ما عدش فيه ليكوا مكان
خبيت كتير وداريت
في قسوتكم لزماااان ..
قدامي تسقوا في الورود
وتطبطبوا على كل عود
وفي ضهري تبنوا في السدود
أقوووول ده أييه ...
قفلتوا باب مفتوح لكم
وخسرتوا ناس بتحبكم
فاكرين فرحنا يهمكم
حزنتوااااا ليه ...
لا سؤال ولا حتى جواب
ولا حتى خاطر للي غاب
هييجي وقت للحساب
برخيص هبيع ..
بكره الصغير يوم يعود
ده هو سندي وضل عود
هيشيلني يوم موتي وأعود
جنب اللي رااااح ...
جوايا جرح ما إتقفل
والحزن زاد برك الجمل
سممتوا قلبي لا عاد أمل
ليكوا ونجاااااه ..
خلاص زهقنا من الوشوش
بميزانكم إنتوا ما تساووووش
جواكم باااان ما تذوقوش
ماااات الوصال ...
ترابكوا كنا نقدره
واللي فى أيدينا نوصله
دلوقتي إنتوا هتخسروا
حتى السلام ...
كتر السماح قساكوا
أقوى مما كاااان ..
وعرفنا مقدار كرهكم
ما لكوووش أمان ..
بقلم .. صبري رسلان
تعليقات
إرسال تعليق