اياااام زماااان
ياريت تعود
ونرجع للطفولة.
ونجدد بالود العهود
با ريت تعود
الفطرة
والبراءة
والحياء نبراس
ياريت تعود
الصحة
والرضا
الخير كان طبعنا
والرحمة سلسبيل
يا ريت تعود
لمة العيلة ع الطبلية
بين المغرب والعشوية
ياريت تعود
اللمة وسط الدار
والريح يسلم
والجاى يسلم
نعزم علية بالشاى
ياريت تعود
المية جوه الزير
تقولش تلاجة وفلتر من غير موتور
والقلة زمزميتنا
ترطب وتفلتر نشرب منها احلى مية
ياريت تعود
تلامذة للمدرس ريحين
مصروفهم كان قليل
بس كانوا متفوقين
من غير دروس ولا سناتر
الكتب كانت فى الطاقة
كلها سلاح التلميذ
المذاكرة كانت ع الطبلية
ولا تربيزه ولا مكتب
ولا كمبيوتر وكيبور
والنور لمبة جاز
ياريت تعود
كان يجينا عمى وخالى زوار
وعمتى وخلتى منورين الدار
لا كان سنترال ولا تليفون
ولا نت ولا فيس ولا جوجل
ياريت تعود
وقت الفجرية
ابويا رايح يصلى
يصحينى
والام بتعجن
وتحلب
وتحمى الفرن
يا ريت تعود
فطارنا
كان رغيف درة ميهوش مسامير
وغموسنا حتة قشطة
من خير بيينا
لا طعمية شربة زيت لما عدمانة
تهيج القولون وتتعب المعدة
كانت ايام بسيطة
كان رسمالنا كرمتنا
وضميرنا حاكمنا
وراحة البال فرشتنا
وعجبى✍️ياسر
تعليقات
إرسال تعليق