ورغم إن الدروب عتمه
وقلبى م التعب موجوع
انا راجع اكيد راجع
لسه كلامنا ليه مرجوع
وحلمى بيكى هيكمل معايا العمر
هييجى صبحك المرسوم على كيفى
وهجنى قمحك الطايب بايدى السمر
ما انا مملكش ف كفوفى غير الصبر
وحتى لو نفونى بعيد ..اكيد ف ترابك العنبر ده ليا قبر
وليا ولد شارب من عكارك بير
وليا بنات راسمينك حمام بيطير
وليا حلم جوه عيونك الحلوين
متكلفت وعارف أنه جايله صيف
ومهما الليل كان طولان ومتجبر
بيحلى بطيف
ادينى هناك ومستنى
وحلمى معايا بيغنى
هجيلك زى ما تتمنى
بطين الارض متحنى
ونابت من دراعى السيف
ولا ليلك هيغلبنى
وصوت الظلم عمره ف يوم ما يرهبنى
ومهما هدو فيكى الحق
معايا الولد راح يبنى
معايا بنات بتحبل كل يوم بولاد
خلاصه القول يا دنياره
انا زارعك فى حشايا حلم
ومستنيله ....نواره
ابو مكه ..سامح الكريتى
تعليقات
إرسال تعليق