بقلم الرائع أ/مرقص نصيف إقلاديوس/////

درس علم نفس

وحساب مثلثات

( رسالة نثر ايقاعية بالمحكية المصرية)

بقلم ..مرقص إقلاديوس

........

فيه ناس بتقول السعادة علم.

وناس بتقول

السعادة فن.

وناس بتقول

السعادة عمل.

وناس بتقول

السعادة

ليست بماذا

ولكن بمن.

......

السعادة في الحقيقة معادلة.

بين الرغبة وبين القدرة.

فيه واحد نفسه في حاجات كتير

وما يقدرش.

وواحد قادر على حاجات كتير

لكن ما يرغبش .

عجيبة. ... ليه...هأقول لك...

.....

أنا واحد من الناس

عاوز ألف الأرض سبع لفات.

..ينفع.......

ينفع ..

عملها الإنسان كتير

بس لو فيه فلوس

وفيه صحة.

وفيه عمر فاضل

يسمح بطول مدة الرحلة.

.....

وفيه واحد باللي معاه

يقدر يسعد ناس كتير.

لكن مش عايز..

طب مش عاوز ليه.

ياريت حضرتك لما تقابله

تبقى توجه السؤال ده ليه.

.....

لكن الرغبة والقدرة

بيحكمهم معامل تالت.

.معامل الإرادة

العقل اللي

ربنا اداه لنا بزيادة.

واللي إحنا ناسيينه

ومش عارف

ما بنفكرش

ليه بيه يا سادة.

.....

والمعامل الرابع الإلتزام

فيه واحد في سبيل رغبة.

يخسر ربه.

ويخسر صاحبه.

و يخسر نفسه.

ويا خسارة يا خسارة،

ياريت ما تنساش.

إن الدنيا ما تسواش .

....

اتمٓنى

قد ما تقدر اتمنٓى

وابذل مجهود.

واصدق للخير النية.

وقول يارب.

وراعى ربك.

وحافظ على صاحبك.

واعتبر دايما،،،،

إن أغلى

ما فى الحياة كرامتك.

.. .

اوعى تعيش طماع،

تطارد من الأمنيات سراب.

وافتكر دايما دايما

ان العين

ما يملهاش غير التراب .

......

ملاح بحور الحكمة

مرقص اقلاديوس