لحنها لحن يا سليمان!
لحّنها لحنْ..يا سليمانْ
لحنْ الشجاعة للفرسانْ
أنغام من قمة قاسيونْ
توصل طرطوس .. و لبنانْ
/
لحنها لحن بالغيتارْ
بعزف النبضة و الأنهارْ
و اعزفها لزرعات الدارْ
من" السويداء".. حتى عمانْ
/
لحّنها بقلب الإصرارْ
فلسطينية ..و العزف نارْ
و ابعثلي جرحي مشوارْ
ليدوزن فيها الألحانْ
/
ألفها نغمة على نغمةْ
و حُط الوردة ع الكلمةْ
و افخرْ بأحرار الأمةْ
من " طرابلس".. " و لوهران"
/
ولحنها بصوت الأمواجْ
من "أم الدنيا " و "لقرطاج"
نظرة قلبك زي العاجْ
عم تلمعْ جوا الوجدانْ
/
لحنها قالت لي "سناء"
من العراق , حتى سيناءْ
ولكن في عندي أهواءْ
أعزم خصرك للأحضانْ
/
دندنها دندنْ دندنها
و في " مراكش" أحضنها..
و أنا قلبي .. ضايع منها
لو يرجع زي ما كانْ
/
دندنها دندنْ بتجننْ..
فوت ع صدري مطّمنْ
و متل ما بدك لوّنْ
العسل .. مع الرمانْ
سليمان نزال
تعليقات
إرسال تعليق